સાંજ – પુષ્પા મહેતા (પારેખ)
સપ્ટેમ્બર 5, 2006 at 7:08 એ એમ (am) 3 comments
સાંજ જ્યારે સાંજ સ્થાપી જાય છે
કોઇ ત્યારે યાદ આવી જાય છે
રાત ઢળતા એક પડછાયો મળે
એ પછી ચોમેર વ્યાપી જાય છે
છુંદણાંમાં કોણ પીડા આપતું
એ વિચારે દર્દ ભાગી જાય છે
છાંટણાં વરસાદના સ્પર્શી જતાં
રોમ સૌ ધરતીના જાગી જાય છે
હું અહ્રર્નિશ યાદનું છું તાપણું
કોઇ આવી રોજ તાપી જાય છે
રોજ હું વાવી રહી સંબંધને
રોજ આવી કોણ કાપી જાય છે
Entry filed under: ગઝલ.
3 ટિપ્પણીઓ Add your own
Leave a comment
Trackback this post | Subscribe to the comments via RSS Feed
1. વિવેક | સપ્ટેમ્બર 6, 2006 પર 1:04 પી એમ(pm)
અદભૂત ગઝલ….. ખૂબ જ સુંદર… બની શકે તો એમની બીજી ગઝલો પણ વંચાવજો…. બધા જ શેર દિલને સ્પર્શી જાય તેવા છે…
2. ઊર્મિસાગર | સપ્ટેમ્બર 6, 2006 પર 1:46 પી એમ(pm)
હું અહ્રર્નિશ યાદનું છું તાપણું
કોઇ આવી રોજ તાપી જાય છે
રોજ હું વાવી રહી સંબંધને
રોજ આવી કોણ કાપી જાય છે
great lines….. nice gazal!
thanks Jayshree!
3. sujata | સપ્ટેમ્બર 8, 2006 પર 10:42 એ એમ (am)
speechless……..